Времето денеска во Македонија ќе биде претежно сончево, со локална облачност, топло и ветровито.
Попладне ќе има зголемување на облачноста од запад. Во крајните западни и северозападни предели во доцните попладневни часови ќе постојат услови за слаби локални врнежи од дожд.
Ќе дува слаб јужен и југоисточен ветер, а во западните предели ќе дува слаб југозападен ветер.
Температурата утринава ќе се движи од 4 до 13 Целзиусови степени, а максималната ќе достигне до 16, односно до 26 Целзиусови степени.
Во Скопје времето ќе биде претежно сончево со локална облачност. Попладне ќе има зголемување на облачноста. Ќе дува слаб југоисточен ветер. Утринската температура ќе се движи до 10 Целзиусови степени, а максималната дневна ќе достигне 23 Целзиусови степени.
