Руската валута рубља денеска падна на најниско ниво во последните две недели во споредба со американскиот долар.
Доларот денеска продолжи да поскапува, па еден долар вреди 54 рубли, што е највисок износ од 8 април.
Рубљата делумно се оправи годинава откако кон средината на декември минатата година падна толку што за еден долар се добиваа 80 рубли, што е најголем колапс од валутната криза во Русија од 1998 година.
Руската економија и рубљата беа тешко погодени во 2014 година поради падот на цената на нафтата, како и поради санкциите што Западот ги воведе кон Москва поради мешањето во кризата во Украина.
Новиот пад на рубљата следи по падот на цената на нафтата и по одлуката на Руската централна банка од 20 април, да ја зголеми каматната стапка што би можела да овозможи продажба на странска валута на аукции.
