Главчев: Бугарија нема повторно да преговара за договорот со Северна Македонија

Тие (н.з. македонската страна) велат дека нема да преговараат со преодна влада, но јас би рекол дека тие не сакаат да преговараат, бидејќи нема за што да се преговара, изјави Главчев

-

Бугарија нема повторно да преговара за условите од договорот со Република Северна Македонија, изјави техничкиот премиер Димитар Главчев, пренесоа бугарските медиуми. 

„Нема за што да се преговара. Ние го имаме ставот на Бугарија. Тие (н.з. македонската страна) велат дека нема да преговараат со преодна влада, но јас би рекол дека тие не сакаат да преговараат, бидејќи нема за што да се преговара. На последниот Европски совет изјавив дека Република Северна Македонија не се придржува кон своите обврски, а истото го кажа и премиерот на Грција. Република Северна Македонија не го почитува Договорот од Преспа, затоа го кажавме нашиот став на највисоко можно ниво – Европскиот совет“, рече тој.

Претседателот на пратеничката група Тошко Јорданов, како што пренесуваат бугарските медиуми, потсетил на говорот на премиерот Христијан Мицкоски од април годинава, кога Бугарија ја нарекол „фашистички окупатор“:

„На 19 септември, односно за неколку дена, премиерот на таканаречената држава Северна Македонија, Христијан Мицкоски, ќе оди во Брисел да разговара со Бугарија за уставните измени со задоцнет ефект“, коментирал Јорданов.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ЕУ ќе испрати 160 милиони евра од замрзнатите руски средства во Украина

Сума од 160 милиони евра од приходите на замрзнатите руски средства ќе биде доделена за итните хуманитарни потреби на Украина за оваа зима, изјави денес претседателката на Европската комисија,...