Запленети се четири златни алки вредни 586.224 денари со вкупна тежина од 77,5 грама, откако истите се пронајдени во женска чанта при детална контрола на патничко возило на граничен премин Богородица на влез во државата, соопшти Царинската управа.
Патничката која патувала како совозач не ги пријавила алките кај царинските органи.
„Имено таа заедно со возачот и уште четири лица на влез во државата на прашањето дали имаат нешто да пријават одговориле дека немаат ништо“, велат од Царинската управа.
Против лицето е поднесена кривична пријава поради сомнение за сторено кривично дело „криумчарење“ казниво по член 278 од Кривичниот законик.
