По 13 дена поминати под урнатини, во Антакија се спасени три лица, меѓу кои и дете. Тие поминале 296 часа заробени во срушена зграда, по катастрофалните земјотреси што ги погодија Турција и Сирија на 6 Февруари, јави турската новинска агенција Анадолија.
Во двата земјотреси, со јачина од 7,7 и 7,8 степени според Рихтеровата скала, досега загинаа повеќе од 45.000 луѓе, а бројот на жртвите се очекува да се зголемува бидејќи голем број лица сè уште се водат за исчезнати. Спасувачи од целиот свет се уште работат на расчистување на теренот и ги пребаруваат урнатините. Во земјотресите беа уништени илјадници згради, а директно беа погодени повеќе од 13 милиони луѓе.
