Регулаторната комисија за енергетика и водни услуги донесе одлука со која се врши намалување на малопродажните цени на нафтените деривати во просек за 1,13 отсто. Од ноќеска цените на дизелот и екстра-лесното масло за домаќинство се намалуваат за 2 и пол денари за литар, додека цените на останатите нафтени деривати не се менуваат.
Дизелот ќе се продава за 87 денари за литар, додека екстра-лесното масло ќе може да се набави за 85 денари за литар. Еуросупер БС-95 и понатаму ќе чини 90,50 денари за литар и Еуросупер БС-98 останува со старата цена од 92,50 денари за литар.
Намалувањето на цените на дел од нафтените деривати е резултат на намалувањето на нивните цени на светските берзи, и тоа кај екстра лесното масло за 3,442 отсто и кај мазутот за 2,142 отсто. Курсот на денарот во однос на доларот во изминатиот период по кој беа формирани цените со претходната пресметка е повисок за 0,004 отсто.
