Европска Унија повика на целосен прекин на огнот во Источна Украина, каде сè уште има жаришта и покрај примирјето, кое стапи на сила минатиот викенд.
„Се чини дека примирјето се почитува, но постојат одреден број инциденти“, изјави портпаролката на ЕУ, Маја Коцијанчиќ, која додаде дека е неопходно прекинот на огнот да се почитува во целост.
Украинската војска и проруските сепаратисти денеска меѓусебно се обвинуваа за прекршување на прекинот на огнот и дека поради тоа им е тешко да почнат со повлекување на тешкото оружје од фронтот, кое е предвидено со договорот од Минск.
