Британската полиција соопшти дека бројот на луѓе уапсени поради тетористички прекршоци е шестпати поголем во споредба со минатата година.
Од Скотланд јард велат дека полицијата во 2014 година извршила 165 апсења во Велика Британија поради финансирање, подготвување или поттикнување тероризам, како и поради посетување кампови за обука. Во 2013 година, пак, бројот на такви апсења бил 25.
Координаторката во полицијата за борба против тероризмот, Хелен Бол, рекла дека полицијата извршила голем број истраги, како што не било случај во изминатите години. Таа додала дека плановите за напади биле инспирирани или предводени од странство.
Во Велика Британија во август, поради закани од екстремистичките групи од Ирак и од Сирија, нивото на опасност од тероризам е зголемо од „значително“ на „сериозно“, што е второ највисоко ниво.
