Кривичниот совет на Одделението за организиран криминал вчера го прифати предлогот на директорот на КПУ „Затвор Скопје – Скопје“ за условен отпуст на новинарот Томислав Кежаровски. Со тоа од 18 февруари до 27 јуни 2015 година Кежеровски ќе биде на условен отпуст, односно до истекот на издржувањето на казната.
Оваа одлука Судот ја донел во согласност со Законот за извршување санкции бидејќи Кежаровски веќе издржал повеќе од половината од казната затвор.
Сепак, против оваа одлука на Кривичниот совет, Јавното обвинителство има право на жалба.
