За првпат во историјата, цената на сировата нафта во САД отиде во негатива откако вчера цел ден имаше пад на берзите.
Цената на нафтата достигна минус 30 долари, што практично значи дека трговците на купувачите им нудат 30 долари за барел, а се со цел да се ослободат од резервите кои се натрупани поради состојбата со корона вирусот.
Затворените граници, економската неактивност на компаниите, застојот во сообраќајот предизвикаа презаситеност на пазарот со нафта. Повеќе нема простор ниту за нејзино складирање во магацините, а резервоарите би биле преполни за три недели.
