fbpx

Бајден до Заев: Договорот од Преспа придонесува за европската интеграција и единство

-

Поранешниот потпретседател на Соединетите Американски Држави, Џо Бајден му испратил писмо на премиерот Зоран Заев во кое вели дека му претставувало чест што се сретнале на Конференцијата за безбедност во Минхен и за разговорот низ кој размениле мислења за актуелните политички прашања.

„Уште еднаш Ви честитам на историскиот договор со Грција во Преспа. Уверен сум дека Договорот е сериозен позитивен развој и за европската интеграција и единство. Како што реков на разговорот во Минхен, успехот на Северна Македонија е успех и за цела Европа, и тоа е добро за сите“, пишува Бајден во писмото, соопшти владината прес-служба.

Тој вели дека со нетрпение го очекува денот кога Република Северна Македонија ќе биде пречекана како полноправна членка на НАТО.

„Вашата визија ги постави темелите на безбедноста и сигурноста и Вашето лидерство како Претседател на Владата од граѓаните на Северна Македонија ќе биде запаметено по историското достигнување“, нагласува Бајден.

Во писмото тој изразува уверување дека пријателството меѓу двата народи во следните години ќе биде сѐ посилно.

„Ве уверувам дека јас лично ќе се застапувам за вашите политики и посветеност за подобра иднина“, додава Бајден.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Палестинските новинари се добитници на наградата на УНЕСКО за слобода на медиумите

Палестинските новинари беа добитници на наградата за слобода на печатот која ја доделува УНЕСКО за 2024 година по одлука на меѓународното жири составено од медиумски професионалци. Доделувањето на наградата се...