„Изборите ќе бидат ставени под рендген, што значи дека ВМРО-ДПМНЕ и ДУИ нема да можат да ги повторуваат нерегуларностите од минатите избори“, изјави денеска лидерот на ДПА, Мендух Тачи, по неговата средба со европратениците Иво Вајгл, Едвард Кукан и Кнут Флекенштајн, во седиштето на Европската Унија во Скопје.
Тачи по средбата изјави дека со европратениците разговарал за Договорот од Прижно и бил уверен дека изборниот процес и изборните резултати детално ќе се разгледуваат.
– Одлични вести, разбрав од европратениците дека изборите во Македонија ќе бидат ставени во рендген-ситуација. Една јака порака до ВМРО-ДПМНЕ и до ДУИ дека нема да можат да ги повторуваат нерегуларностите од минатите избори. Се договоривме да бидеме во постојан контакт и да се информираме за ситуацијата – изјави Тачи.
