Сондата „Џуно“ на американската вселенска агенција НАСА влезе во орбитата на Јупитер и по пет години патување ќе го почне истражувањето на најголемата планета во Сончевиот систем.
Светските агенции пренесуваат дека серија радиосигнали испратени од вселенското летало потврдиле дека маневарот за влез во орбитата е изведен како што било планирано, што предизвикало огромна радост и аплауз во лабораторијата за млазен погон на НАСА во Пасадена, Калифорнија.
За да влезе во поларната орбита на Јупитер, сондата мораше да го запали својот главен мотор за да закочи, а гравитацијата на Јупитер да ја улови и да ја внесе во поларната орбита.
Бидејќи постои задоцнување на комуникацијата помеѓу Јупитер и Земјата, сондата беше ставена на автопилот кога се изврши овој маневар.
Engine burn complete and orbit obtained. I’m ready to unlock all your secrets, #Jupiter. Deal with it.
— NASA’s Juno Mission (@NASAJuno) July 5, 2016