Мубарак е ослободен од обвиненијата за корупција при набавувањето природен гас од Израел, како и од обвинението дека учествувал во масовното убиство на демонстранти за време на немирите, гласи дел од пресудата за поранешниот претседател на Египет, Хосни Мубарак, во повтореното судење, четири години по неговото симнување од власт.
Според сè уште неофицијални информации, повлечени се и обвиненијата за убиства.
Поранешниот претседател на Египет беше обвинет дека со седуммина поранешни командири е вмешан во убиството на стотина демонстранти за време на протестите во 2011 година, но жалбениот совет првобитната доживотна казна ја поништи во 2012 година поради технички причини.