Канаѓанецот Колин Рутерфорд, кого талибанците го киднапираа во Авганистан пред пет години, е ослободен, соопштија денеска канадските власти.
Началникот на авганистанската полиција, Аминулах Амаркил, рече дека киднапираниот вчера е пуштен на слобода во провинцијата Газни, се наведува во соопштението.
Рутерфорд е киднапиран во ноември 2010 година во Авганистан, каде престојувал како турист, но беше обвинет за шпионажа.
Канадската амбасада во Кабул не откри детали, а не е познато дали Рутерфорд во меѓувреме го напуштил Авганистан.
Талибанците потврдија дека катарските власти посредувале во ослободувањето на Рутерфорд.
