Рокот за достава на елаборатите за легализација на дивоизградени објекти се пролонгира до 31 март 2016 година. Граѓаните што поднеле барање може да достават геодетски елаборати до 31 декември 2016 година.
Ова денеска го соопштија министерот за транспорт и врски, Владо Мисајловски, и директорот на Агенцијата за катастар на недвижности, Славче Трпевски.
Според надлежните, пролонгираниот рок е во интерес на граѓаните, со што се очекуваат нови барања во текот на годината.
Првичниот датум за легализација беше до 31 декември, а досега се доставени 360.000 барања. Од нив 175.000 се поднесени елаборати, додека 135.500 барања се запишани во катастарот и се легализирани.
