Поранешната американска државна секретарка, Хилари Клинтон, сведочи во истрагата за нападот на конзулатот на САД во либискиот град Бенгази од 11 септември 2012 година.
Во нападот се убиени четири американски државјани, вклучувајќи го и амбасадорот Кристофер Стивенс.
Истражното тело го основаа републиканците, а Клинтон смета дека сослушувањето е политички мотивирано за да се уништи нејзината претседателска номинација. Демократите велат дека станува збор за „лов на вештерки“.
Претходната истрага, од 2012 година, утврди дека Стејт департментот не осигурал доволна заштита на конзулатот во Бенгази, иако тоа го барал амбасадорот Стивенс.
