Утрово, околу 5.15 часот, во полициската станица Ѓорче Петров било пријавено дека на улицата Апостол Петков, од засега непознати причини биле опожарени три автомобили.
Како што информираат од полицијата, две од возилата, марка „фолксваген пасат“ се сопственост на Ф.Т., додека на другото, марка „кадилак“, сопственик е Е.М.
Пожарот го изгаснала екипа на противпожарната бригада, а екипа на Секторот за внатрешни работи Скопје извршила увид на местото и како што информираат оттаму работи на откривање на причините за пожарот и расчистување на случајот.
