Украина забрани 38 книги објавени во Русија, со обвинување дека преку нив се шири „идеологија на омраза“ и „сепартизам“, јавуваат светските медиуми.
Како што пренесува „Би-Би-Си“, меѓу забранетите наслови се и делата на руските националисти Александар Дугин, Едвард Лимонов и Сергеј Глазјев.
Црната листа на забранети книги била објавена од украинската државна телевизија и радио. Според Украина и нејзините западни сојузници, Русија шири сепаратизам и им помага на бунтовниците во источниот дел на земјата.
Инаку, Русија, исто така, има црна листа на книги и други публикации, која се нарекува „Федерална листа на екстремистички материјали“ и содржи повеќе од 1.000 наслови, а е објавена на интернет-страницата на Руското министерство за правда, пренесува „Би-Би-Си“.
