Либерално демократската партија (ЛДП) се придружува кон заложбите на „Хјуман рајтс воч“ за одговорност на сите инволвирани полициски службеници од ЕБР.
„Либерално-демократската партија изразува сериозна загриженост по последниот извештај на светски реномираната организација „Хјуман рајтс воч“, во кој е констатирано дека припадниците на Единицата за брзо распоредување употребиле прекумерна сила кон демонстрантите на 5 мај годинава. Притоа, „Хјуман рајтс воч“ напоменува државата да не го сокрие под „тепих“ она што се случувало таа ноќ. Либерално-демократската партија се придружува кон заложбите на „Хјуман рајтс воч“ за одговорност на сите инволвирани полициски службеници од ЕБР кои ги пречекориле своите овластувања и употребиле прекумерна сила кон насобраните граѓани, како и за нивните наредбодавци“, стои во соопштението од ЛДП.
Од партијата апелираат до истражните органи во државата што поскоро да ги откријат насилниците во ЕБР и да биде преземена одговорност.
