!На 1 февруари 2017 година, завршува промотивниот период на слободно користење, без регистрација и без претплата, на содржините на „Мета“, кое беше воведено за да им овозможиме полесен пристап на корисниците до навремени и проверени вести. За начинот на пристап и за претплата, од 1 февруари 2017 година ќе информираме дополнително. При пренесувањето и преземањето на содржините од „Мета“, задолжително е атрибуирање и линкување.

Киднаперите на авионот на либиската компанија ги ослободиле патниците


Валета, 23 декември, 2016 - 16:03 (META) 

Киднаперите на авионот на либиската компанија „Африка ервејз“, кој летал од Себа до Триполи, но беше пренасочен кон Малта, ги ослободиле сите 111 патници од авионот, пренесува „Тајмс оф Малта“.

Сите патници, меѓу кои имало и жени и деца, успешно биле евакуирани од авионот.

Премиерот на Малта, Џозеф Мискат, на „Твитер“ напишал дека сите членови на екипажот се ослободени, но дека во авионот најверојатно се наоѓаат уште двајца киднапери и можеби уште неколку членови на екипажот.

Според пишувањата на светските медиуми, киднаперите барале од затвор да се ослободи синот на убиениот либиски лидер, Муамер ел Гадафи.

 


Во железничка несреќа во Индија загинаа 96, а повредени се 150 патници


Канпур, 20 ноември, 2016 - 14:14 (META) 

Најмалку 96 лица загинаа, а повеќе од 150 патници се повредени во Индија откако од шини излетаа 14 вагони на воз во северната држава Прадеш, соопшти полицијата.

Инцидентот се случил во близина на градот Канпур, низ кој дневно поминуваат по стотина возови.

Индискиот премиер Наренда Моди на својот профил на „Твитер“ напиша дека неговите мисли се со семејствата на настраданите.

Сè уште се утврдуваат причините поради кои се случила несреќата.


Спасов го урна „Твитер“: Диме, тебе мoже сaмo мaјкa ти дa те бркa бoрaнијa дa јaдеш


Скопје, 31 октомври, 2016 - 14:42 (META) 

Корисниците на социјалните мрежи изминатите три дена се инспирираа од сообраќајните несреќи што ги предизвика дополнителниот заменик-министер за труд и социјална политика, Диме Спасов, и настаните што следуваа откако тој во петокот вечерта ѝ избега на полицијата. Корисниците на „Твитер“, освен што правеа шеги на негова сметка, побараа и одговорност и оставка.


Брзината на социјалните мрежи е предност и мана во известувањето, тврдат новинари од САД


Скопје, 18 октомври, 2016 - 17:33 (META) 

Популистичките мерки објавени кратко и јасно на социјалните мрежи се ефективни, а тоа го користат политичарите, велат американските новинари Џон Кокран и Барбара Кокран, на јавната дискусија „Можат ли социјалните медиуми да влијаат врз изборите во САД?“, организирана од Фондацијата за интернет и општество „Метаморфозис“.

– Секој новинар во денешно време мора да биде активен на социјалните мрежи. Недостаток е тоа што секој со „Твитер“ и со „Фејсбук“ кој што е влијателен и има голем број на следбеници може да стане објавувач. Добро е што луѓето можат да одберат кого да следат и кому да веруваат, но ова на некој начин е и опасно затоа што луѓето стануваат еднострано информирани – вели Барбара Кокран, која е професор на Факултетот за новинарство во Мисури.

Таа додава дека републиканскиот кандидат за претседател на САД, Доналд Трамп, има поголема корист од социјалните мрежи затоа што е спонтан и објавува сам, додека демократската кандидатка Хилари Клинтон е внимателна и објавите ги смислува нејзиниот тим.

– Трамп е силен на социјалните мрежи, си изгради слика за себе и без политичко искуство освои номинација за претседателските избори. Тој твита сам, а тоа многу му помага во кампањата. Луѓето го сакаат тоа. Хилари, од друга страна, е многу внимателна и на социјалните мрежи е обратно од спонтана. Нејзините твитови се добро осмислени од нејзиниот тим, а тоа му оди во прилог на Трамп – вели Барбара Кокран.

Брзината при објавувањето е и мана кај социјалните медиуми затоа што новинарите не секогаш се сигурни во она што го објавуваат, вели Џон Кокран, пензиониран телевизиски новинар.

– Социјалните медиуми не го уништуваат новинарството со сензационализмот, туку со информирањето за кое новинарите не секогаш се сигурни дека е точно. Но, никогаш не смеете да грешите. Најлошо е да објавите приказна која мислите дека е точна, а не сте доволно сигурни. Мора да бидете сигурни дека она што го објавувате е точно. Објавете први, но прво објавете точно (Get it first, but first get it right) – вели тој.


СЈО в четврток ќе отвори две нови истраги


Скопје, 18 октомври, 2016 - 14:01 (META) 

Специјалното јавно обвинителство најави дека в четврток во 11 часот на прес-конференција ќе отвори две нови истраги.

Ова од обвинителството го соопштија преку „Твитер“, но и на официјалната веб-страница и на фејсбук-профилот на СЈО.

Последната прес-конференција на СЈО беше на 28 септември, кога обвинителството отвори нова истрага наречена „Трезор“, во која осомничени се три раководни лица од Управата за безбедност и контраразузнавање и едно лице од МВР.

Како што рече обвинителката Фатиме Фетаи, во истражната постапка било утврдено дека четвртоосомничениот им помогнал на првите тројца осомничени да ѝ овозможат на компанијата „Финзи“, со која управувал сега починатиот Коста Крпач, да оствари имотна корист во вредност од 862.045 евра.


Жбогар твитна на првиот ден на работа во Скопје


Скопје, 1 септември, 2016 - 13:23 (META) 

Евроамбасадорот Самуел Жбогар денеска на официјалниот твитер-профил на Делегацијата на ЕУ во Скопје објави фотографија од својот прв работен ден во Македонија.

Поранешниот шеф на словенечката дипломатија Жбогар доаѓа на местото на досегашниот евроамбасадор Аиво Орав, кој сега ќе ја предводи мисијата на ЕУ во Црна Гора.

Словенечкиот дипломат, кој доаѓа од позицијата евроамбасадор во Косово се смета за добар познавач на ситуацијата во регионот. Педесет и четиригодишниот Жбогар во својата 22-годишна дипломатска кариера бил вклучен во сите поголеми политички проекти на словенечката надворешна политика.

 


Бејли предупреди да се задржи фокусот на имплементирање на договореното


Скопје, 21 јули, 2016 - 15:04 (META) 

Амбасадорот на САД во Македонија, Џес Бејли, пред малку на својот твитер-профил го сподели договорот што вчера го постигнаа политичките партии и напиша:

„Договор од 20 јули – партии, медиуми, институции – само 42 дена за да успее – задржете го фокусот“, напиша Бејли.

Претходно Бејли го поздрави постигнатиот договор и напиша дека тој е можност за демократија.


Јоханес Хан на „Твитер“ го поздрави постигнатиот договор


Брисел, 20 јули, 2016 - 19:30 (META) 

Постигнатиот договор на политичките партии го поздрави и еврокомесарот за проширување и за соседска политика, Јоханес Хан. Тој на „Твитер“ напиша:

„Добри вести и од  Македонија: Политичките партии постигнаа договор за отворените прашања во разговорите за Договорот од Пржино. Тоа е важен чекор за да се стави крај на политичката криза. Сега треба импулс за да се сочува договореното. Целосна имплементација на реформите е клучот за одржлив напредок“.


На „Твитер“ за Иванов: Сите што гласаа за него, ни должат извинување


Скопје, 23 јуни, 2016 - 10:43 (META) 

По вчерашното обраќање на претседателот на државата, Ѓорге Иванов, во кое тој ги критикуваше граѓанските организации, СДСМ, странските партнери на Македонија и Специјалното јавно обвинителство, не стивнуваат реакциите на социјалните мрежи.

Иванов, меѓу другото, вчера рече дека нема намера да си поднесе оставка за одлуката за аболирање на 56 лица.

На „Твитер“ под хаштагот „Хорхе“ се појавија илјадници шеги на сметка на Иванов.


„Српскиот“ на Канческа-Милевска ги запали социјалните мрежи


Скопје, 15 јуни, 2016 - 16:50 (META) 

Министерката за култура, Елизабета Канческа-Милевска, во изјава за „Радио телевизија Србија“ по повод 15. Биенале на архитектурата во Венеција, зборува на српски јазик, што предизвика смеа и коментари на социјалните мрежи.

Од Министерството за култура ни рекоа дека министерката нема да реагира во врска со коментарите што денеска ги преплавија „Фејсбук“ и „Твитер“.