Потпретседателот на Беса, Зекирија Ибрахими, поднесе оставка на функцијата


Скопје, 5 јануари, 2018 - 20:18 (META) 

Потпретседателот на Беса, Зекирија Ибрахими, денеска информираше дека поднесува оставка на функцијата, јави Алсат-М.

Тој исто така вели и дека нема да се кандидира за лидер на Беса на партискиот конгрес кој треба да се одржи во февруари. Оваа негова одлука доаѓа на само еден ден пред утрешниот состанок на Централниот одбор.

Зекирија Ибрахими беше градоначалнички кандидат на Беса за општина Чаир.


Потпретседателот на Еквадор уапсен поради корупција


Кито, 3 октомври, 2017 - 13:25 (META) 

Врховниот суд на Еквадор вчера одреди притвор за потпретседателот Хорхе Глас поради наводно земање мито од сопственикот на бразилска градежна компанија. Глас обвини дека одлуката е политички мотивирана и е дело на неговиот ривал, претседателот Ленин Морено.
Полицијата го приведе Глас во неговата резиденција во Гвајалкил и потоа со воен авион го транспортираше во главниот град Кито.

– Нема потреба да ме барате, јас сум таму каде што секогаш сум бил. Тие што се невини немаат причина да бегаат – изјави претходно Глас, откако ја слушнал одлуката на Врховниот суд.

Неколку поддржувачи и поранешни соработници отидоа во воената база во Гвајалкил за да му изразат поддршка.

Според обвинението, Глас и група политичари поврзани со него примиле 33 милиони долари мито за да ѝ одобрат зделки на градежната компанија „Одебрехт“ во период од 2013 до 2017 година.


Македонија, кодомаќин на средба со потпретседателот на САД


Скопје, 4 јули, 2017 - 9:32 (META) 

Македонија ќе биде кодомаќин на средбата на потпретседателот на САД, Мајк Пенс, со земјите членки на Јадранска повелба, која ќе се одржи на  2 август во Подгорица.

Република Македонија која е претседавач на Јадранската повелба оваа година, заедно со Црна Гора е кодомаќин.

Во Јадранската повелба членуваат Македонија, Албанија, Хрватска, Црна Гора и Босна и Херцеговина, а Србија, Косово и Словенија имаат статус на земји набљудувачи во групата. Јадранската повелба е формирана под покровителство на САД во 2003 година и има цел да ги координира активностите за поддршка на земјите аспиранти за членство во НАТО.


Кирацовски избран за генерален секретар на СДСМ, зголемен бројот на потпретседатели


Скопје, 19 јуни, 2017 - 10:14 (META) 

Александар Кирацовски вчера од централниот одбор на СДСМ е избран за нов генерален секретар на партијата. Од другите партискии функционери што не се избираат на конгрес, избрани се и новите потпретседатели на партијата и е зголемен нивниот број. Избран е новиот 16-член состав на извршниот одбор, во кој се испочитувани и статутарните одредби за застапеност на младите и на жените, односно има шест млади и седум жени, соопштија од партијата.

За потпретседатели на СДСМ, кои, исто како и Кирацовски, беа предложени од партискиот лидер, се избрани Оливер Спасовски, досегашниот генерален секретар на СДСМ, Мухамед Зекири, досегашен член на ЦО на СДСМ, Петре Шилегов, партискиот портпарол, Благој Бочварски, досегашен член на ИО. Тие им се придружуваат на досегашните потпретседатели Дамјан Манчевски и Фросина Ременски.


Рената Јајоска од СДСМ стана потпретседателка на Младите европски социјалисти


Дуизбург, 9 април, 2017 - 15:19 (META) 

Членката на Извршниот одбор на СДММ, Рената Јајоска е избрана за потпретседателка на Младите европски социјалисти (Young European Socialists), на 17-от Конгрес на организацијата оддржан во Дуизбург, Германија.

Младите Европски Социјалисти е една од најголемите и највлијателни младински организации во Европа. Претставува младинска организација која ги обединува социјалистичките и социјалдемократските подмладоци од Европа


Бајден му порача на Трамп дека е „време да порасне“


Вашингтон, 6 јануари, 2017 - 11:00 (META) 

Потпретседателот на САД во заминување, Џо Бајден, ги критикуваше изјавите на новоизбраниот американски претседател, Доналд Трамп, за разузнавачките агенции и му порача дека е „време да порасне“.

Бајден, како што јавуваат светските агенции, ги оценил како „неразумни“ ставовите на Трамп во врска со извештаите на разузнавачките агенции за влијанието на руските хакери на претседателските избори во САД.

„Претседателот да нема доверба и да не е подготвен да ги сослуша разузнавачките агенции, од одбраната до ЦИА, тоа е целосно неразумно“, рекол Бајден.

Новоизбраниот американски претседател денеска треба да има состанок со разузнавачките агенции во врска со вмешаноста на Русија во хакерските напади. Трамп претходно повеќепати ги отфрли тврдењата од официјалните извештаи на безбедносните и на разузнавачките агенции дека Русија е вмешана во хакериските напади на Демократската партија на САД и дека влијаела на претседателските избори.

„Мислите дека знаете повеќе од разузнавачките служби, тоа е како јас да кажам дека знам повеќе за физиката од мојот професор по физика“, нагласил американскот потпретседател.

Бајден го критикувал и однесувањето на Трамп на социјалните мрежи.

„Доналд, порасни, време е да се однесуваш како возрасен човек, сега си претседател. Време е нешто да направиш и да покажеш што знаеш“, порачал Бајден.


Трамп утре ќе го објави името на својот кандидат за потпретседател


Вашингтон, 14 јули, 2016 - 11:32 (META) 

Неофицијалниот републикански кандидат за претседател на САД, Доналд Трамп, најави дека утре ќе го објави името на својот кандидат за потпретседател на државата на претстојните претседателски избори.

Трамп синоќа на „Твитер“ напиша рече дека името на потпретседателскиот кандидат ќе го објави во Њујорк и додаде дека „деталите следуваат“. Тој, неговите повозрасни деца и клучните соработници од почетокот на неделава имаат интензивни состаноци со потенцијалните потпретседатели.

Меѓу оние кои се земени предвид се гувернерот на американската држава Индијана, Мајк Пенс, поранешниот претседател на Претставничкиот дом на американскиот Конгрес, Њут Гингрич, сенаторот на американската држава Алабама, Џеф Сешонс, и гувернерот на Њу Џерси, Крис Кристи.


Клинтон избира кандидат за потпретседател


Вашингтон, 22 јуни, 2016 - 10:53 (META) 

Сенаторите од Масачусетс и од Вирџинија, Елизабет Ворен и Тим Кејн, како и Џулијан Кастро, се наоѓаат на листата на Хилари Клинтон за можни кандидати за потпретседател.

Како што наведуваат извори од редовите на демократите, на тој список не се наоѓа Берни Сандерс, сенаторот од Вермонт, кој ѝ беше ривал на Клинтон во трката за демократски претседателски кандидат.


Џо Бајден во ненајавена посета на Ирак


Багдад, 29 април, 2016 - 14:14 (META) 

Потпретседателот на САД, Џо Бајден, денеска пристигна во ненајавена посета на Ирак, каде се сретна со ирачкиот премиер Хајдер ал-Абади, разговарајќи за политичките и за безбедносните прашања.

Ова е првпат Бајден, како клучна личност од Белата куќа за односите со Ирак, да ја посети оваа земја од повлекувањето на американските сили во 2011 година, но ова е трета посета овој мецес на високи американски претставници во државата.

– Бајден има блиски односи со ирачките лидери. Тие се во контакт барем еднаш во десет дена – изјави висок претставник на американската администрација, кој заедно со Бајден пристигнал во Ирак.


Денеска ќе се избира потпретседател на Собранието од редовите на СДСМ


Скопје, 4 септември, 2015 - 10:28 (META) 

Собранието денеска ќе одржи две седницци на кои ќе се гласа за предлогот Рената Тренеска-Дескоска да биде потпретседател од редовите на СДСМ.

Пратениците ќе гласаат и за пополнување на испразнетите места во собраниските комисии и тела.

Пратеникот Горан Мисевски ќе биде претседател на Комисијата за надзор над спроведувањето на посебната истражна мерка за следење на комуникациите од МВР, Управата за финансиска полиција, Царинската управа и од Министерството за одбрана, а Хари Локвенец на Комисијата за надзор над работата на Управата за безбедност и контраразузнавање и на Агенцијата за разузнавање.

На дневен ред се и неколку закони во второ читање.