!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Двајца убиени и тројца ранети во напад во Египет


Каиро, 4 август, 2017 - 12:35 (META) 

Две лица се убиени, а три се повредени во напад на патрола во Есна, јужно од египетскиот град Луксор, соопшти денеска египетското министерство за внатрешни работи.

Како што се наведува, убиени се полицаец и еден цивил, а во нападот кој дошол при полициска патрола, повредени се и тројца цивили.

Еден од напаѓачите, кој се наоѓал во запреното возило, е уапсен на самото место, додека другиот успеал да побегне.
Нападите на безбедносните сили во Египет се зачестени откако војската преводена од претседателот Абдел Фатах ал Сиси во 2013 година го собори претседателот Мохамед Морси, лидер на Муслиманско братство.


Две туристки убиени од напаѓач со нож во Хургада


Хургада, 14 јули, 2017 - 20:49 (META) 

Две Германки, кои летувале во одморалиштето Хургада во Египет, станаа жртви на млад Египќанец, кој влегол во нивниот хотел пливајќи од блиската плажа, а потоа бодел со нож, јавуваат египетските медиуми, повикувајќи се на официјални претставници. Според извештаите, четворица други туристи се повредени во нападот.

Напаѓачот е уапсен, а мотивот за нападот сè уште е непознат. Двајца од четворицата ранети се од Полска, а една е Украинка. Иако првично беше пласирана информација за повредени српски државјани, Министерството за надворешни работи на Србија го негираше тоа.

Според неименуван египетски безбедносен претставник, напаѓачот планирал да избоде само странци.


Египет, Саудиска Арабија, УАЕ и Бахреин одлучуваат за судбината на Катар


Каиро, 5 јули, 2017 - 18:57 (META) 

Министрите за надворешни работи на Египет, Саудиска Арабија, Обединетите Арапски Емирати и на Бахреин во Каиро имаат состанок за катарската криза.

На состанокот ќе разговараат за реакцијата на Катар на 13 барања што четирите заливски држави ѝ ги доставија на Доха.

Саудиска Арабија. Обединетите Арапски Емирати, Бахреин и Египет на 5 јуни објавија дека ги прекинуваат односите со Катар, а потоа на таа земја ѝ поставија листа од 13 барања.

Овие земји ја обвинуваат Доха за поддржување екстремизам и за блиски односи со Иран, обвинувања кои Катар ги негира.

Откако истече рокот од 10 дена, овие земји му го продолжија рокот на Катар за уште 48 часа за да ги исполни нивните барања, по барање на Кувајт кој дејствува како посредник во кризата.

Четирите заливски земји се заканија дека доколку Катар не ја исполни листата со барања, ќе ги зајакнат санкциите.

Катарскиот министер за надворешни работи, шеикот Мохамед бин Абдулрахман ал-Тани, вчера изјави дека невозможно е да се исполнат барањата на арапските земји и дека листата со барања е нереална и неспроведлива.


ИД ја презема одговорноста за нападот на коптите


Каиро, 27 мај, 2017 - 17:16 (META) 

Исламска држава ја презема одговорноста за нападот во Египет врз коптските христијани, пренесе агенцијата „Амак“, која е блиска до ИД.

„Отсекот за безбедност на Исламска држава вчера изврши напад на автобус со копти“, објави ИД.

Последниот биланс од нападот е 29 жртви, соопшти кабинетот на премиерот на Египет, Шериф Исмаил. Министерството за здравство вчера соопшти дека помеѓу жртвите има и голем број деца.

Министерството за внатрешни работи соопшти дека вооружените и маскирани напаѓачи од три комбиња го нападнале автобусот кој патниците ги превезувал до манастирот Свети Самуел, околу 200 километри јужно од Каиро.


Египет како одговор на масакрот бомбардираше кампови на терористите


Каиро, 26 мај, 2017 - 23:34 (META) 

Египетски борбени авиони ги нападнаа камповите на терористите по масакрот на коптски христијани во Египет, соопшти претседателот Абдел Фатах Сиси. Нападите се извршени во источниот дел на Либија.

Претседателот на Египет вети дека ќе продолжи да ги напаѓа базите користени за обука на милитанти што вршат терористички напади во неговата земја, без оглед на чија територија се наоѓаат.

Сиси нагласи дека дека земјите што ги финансираат, обучуваат и вооружуваат терористите не треба да поминат неказнето.

Египет изврши шест воздушни напади во Дерна во источниот дел на Либија, јави египетската државна телевизија.

Денеска вооружени напаѓачи пукале на автобус кој превезувал коптски христијани во провинцијата Миња, при што загинале 28 лица, а 24 се повредени Нападот се случил додека коптите патувале од провинцијата Бени Суеф до манастирот Анба Самуел, во близина на Миња.


Убиени 26 христијани при напад на автобус во Египет


Каиро, 26 мај, 2017 - 15:37 (META) 

Вооружени напаѓачи пукале на автобус кој превезувал коптски христијани во провинцијата Миња, при што, како што јавува „Раша тудеј“ загинале 26 лица, а 26 се повредени

Нападот се случил додека коптите патувале од провинцијата Бени Суеф до манастирот Анба Самуел, во близина на Миња. На местото на нападот се наоѓаат голем број амбулантни возила кои превезуваат повредени во околните болници

Христијаните во Египет се честа мета на екстремистите. Минатиот месец, за време на празникот Цветници беа извршени неколку напади на коптски цркви и притоа загинаа 44 лица. После нападите, за кои одговорноста ја презеде Исламска држава, беше прогласено тримесечна вонредна состојба во земјата.


Израел ја затвори границата кон Египет поради страв од напади


Тел Авив, 10 април, 2017 - 12:59 (META) 

Израелските власти денеска одлучија да им забранат на Израелците да одат во Египет преку преминот Таба поради можни напади.

Израелците нема да можат да влегуваат на Синајскиот Полуостров, но ќе им биде дозволено преку овој премин да се вратат во Израел, јавуваат израелските медиуми.

Од граѓаните кои се на Синај е побарано да се вратат.

На странските државјани и понатаму им е дозволено да ја преминуваат границата.

Одлуката за затворање на граничниот премин за Израелците е донесена поради конкретните информации за планирани напади на израелски мети во подрачјето на Синај.

Јужниот граничен премин кај градот Ејлат е израелска капија кон Синајскиот Полуостров.


Во Египет прогласена тримесечна вонредна состојба


Каиро, 10 април, 2017 - 9:45 (META) 

Египетскиот претседател Абдула Фатах ал Сиси прогласи тримесечна вонредна состојба по нападот на две коптски цркви, во кои загинаа 44 лица.

Мерката им овозможува на властите апсење и претрес без налог. Пред самите мерки, беше потребно одобрение од парламентот.

Исламска држава ја презеде одговорноста за нападите во Танта и во Александрија, кои се случија за време на христијанскиот празник Цветници.

Сиси по состанокот на Националниот совет за одбрана рече дека војната против милитантите на ИД ќе биде „долга и болна“.

Египетскиот претседател претходно нареди распоредување на војската по целата земја за заштита на „инфраструктурата од витално значење“.


Серија напади врз цркви во Египет, патријархот неповреден


Каиро, 9 април, 2017 - 15:13 (META) 

Во серија бомбашки напади што денеска го потресоа Египет, беа нападнати коптски православни цркви при што загинаа 36 луѓе, а во еден од нападите патријархот на Коптската православна црква служел литургија во текот на нападот, но е неповреден.Денеска Коптската црква, како и другите православни цркви го празнуваа Цветници.

Одговорноста за нападите ја превзеде теорористичката организација Исламска држава.

Првиот напад со бомба беше во коптската православна црква градот Танта близу Каиро, каде загинаа најмалку 25 луѓе, а повеќе од 70 се повредени. Потоа уследи уште една експлозија во градот кај полициската станица, но нема информации за жртви или ранети.

Неколку часа подоцна силна експлозија го потресе милионскиот град Александрија на брегот на Средоземното Море, предизвикана најверојатно од бомбаш-самоубиец што експлозивот го детонирал блиску влезот на црквата во која литургија служел коптскиот патријарх Тавадрос Втори. Во тој напад загинаа 11 луѓе, а околу 40 се повредени.

Потоа, според египетските медиуми, во Александрија избувнала уште една експлозија.

Египетската државна телевизија „Ал Арабија“ потсетува дека коптските христијани, сочинуваат 10 отсто од 85 милионското население на Египет.

Египетските исламисти во последните години честопати вршат терористички напади врз христијаните.

Во напад извршен од Исламска држава во декември, загинаа 30 луѓе, кога бомба експлодираше во Соборната црква во Каиро.


Најмалку 15 лица загинаа а повеќе од 40 се повредени во црква во Египет


Каиро, 9 април, 2017 - 11:31 (META) 

Најмалку 15 луѓе ги загубиле животите а над 40 се тешко повредени во експлозија во Коптската православна црква „Свети Ѓорѓи“ во Танта, Египет.

Гратчето е близу Каиро, а коптските правослани христијани сочинуваат околу 10 отсто од 85 милионското население на Египет, потсетува египетската телевизија „Ал Арабија“. Телевизијата известува дека уште не се знае причината за експлозијата и потсетува дека Коптите со векови живеат мирно покрај своите соседи муслимани.