Бриселската рунда преговори помеѓу четворицата лидери на најголемите политички партии во Македонија ќе почне утре околу пладне, во зградата на Европската комисија, потврдија за „Мета“ дипломатски извори во Брисел.
Еврокомоесарот Јоханес Хан прави сè за пронаоѓање решение за излез од политичката криза, и речиси целиот ден му е резервиран за македонските преговори. Нејасно е дали тие би продолжиле утредента, но формално на агендата на Хан стои патување во Босна и Херцеговина в четврток наутро.
Дипломатски извори за „Мета“ велат дека утрешната рунда им е посветена на разговори за принципи, а не за детали на решението.
Едно од главните прашања ќе биде составот на преодната влада и кој ќе ја води.
Лидерите треба да пристигнат во Брисел утре наутро.
