Седницата за донесување на одлуката за распишување референдум, претседателот на Собранието, Талат Џафери ја закажа за 15.30 часот.
Иницијативата за распишување референдум за името e потпишана од пратениците од владејачкото мнозинство СДСМ, ДУИ и БЕСА и претпладнево беше доставена до Собранието.
Според информациите од владејачкото мнозинство, на оваа седница на дневен ред ќе бидат две одлуки, таа за распишување на референдумот и одлука за распределување средства за таа намена.
На седницата, иако не ја поддржаа иницијативата, ќе присуствува и пратеничката група на ВМРО-ДПМНЕ која најави дека ќе го образложи својот став зошто се против ваквата одлука и референдумско прашање.