This page was exported from Meta.mk [ http://meta.mk ]
Export date: Mon Nov 20 11:56:48 2017 / +0000 GMT

Русија демантира дека ќе има нова воена база во Сирија




Русија не планира да отвори нова воена база во Сирија, соопшти руското министерство за одбрана.

Изјавата доаѓа откако портпаролот на курдската единица за заштита на народот во Сирија, Редур Шелил, изјави дека на северозападот на земјата, Русија воспоставува нова воена база во договор со Курдите, кои ја контролираат таа област.

„Нема никакви планови за воспоставување нови руски воени бази на територијата на Сирија“, се наведува во соопштението на министерството.

Портпаролот на Курдите претходно наведе дека во таа база ќе бидат обучувани борците на единица за заштита на народот за борба против тероризмот.

Шелил тврдеше дека договорот со Русија е постигнат вчера и дека руските трупи со транспортери и со оклопни возила веќе пристигнуваат на позицијата во северозападната покраина Африн.
Post date: 2017-03-20 20:24:13
Post date GMT: 2017-03-20 19:24:13
Post modified date: 2017-03-20 21:04:49
Post modified date GMT: 2017-03-20 20:04:49
Powered by [ Universal Post Manager ] plugin. HTML saving format developed by gVectors Team www.gVectors.com