„Избори на 5 јуни нема да има, тоа вчера го констатираше и ДИК. Режимот се урива по сите основи“, рече денеска на прес-конференција Дамјан Манчевски, потпретседател на СДСМ.
– И дијаспората кажа „не“ за наместени избори. Во согласност со официјалните податоци од ДИК, во дијаспората за гласање се регистрирале вкупно 4.848 гласачи. Тоа значи дека дури и Груевски насила да сака да глуми избори, во дијаспората нема да се организира гласање. Уште еднаш бараме итно да се свика Собранието за да продолжи со работа и итно да се поништи одлуката на Иванов за аболиција – изјави Манчевски.
Одговарајќи на новинарско прашање дали по средбите со специјалниот германски пратеник Јоханес Хајндл постои можност за нови преговори меѓу четирите политички партии, Манчевски рече дека додека не се поништи аболицијата и не се свика Собранието, можност за преговори нема.
