Еврокомесарот за проширување и соседска политика, Јоханес Хан денеска ја осуди одлуката на претседателот Ѓорге Иванов за поништување на судските процеси против политичарите, истакнувајќи дека тоа е спротивно на владеењето на правото.
„Денешните постапки на претседателот Иванов не се во согласност со моето разбирање за владеењето на правото. Во контекст на развојот на овие настани, имам сериозен сомнеж дали веродостојни избори се уште се возможни. Политичките лидери мора да знаат дека постапките што ги видовме во изминатиот период ја ставаат евроатлантската иднина на нивната земја во сериозен ризик. Демократија значи компромис и служење на граѓаните. Ги повикувам сите политички партии да се вратат назад на преговарачката маса и да работат на реформите“, напиша Хан на „Твитер“
"#Skopje: Today's actions of President #Ivanov are not in line with my understanding of #rule of law. 1/4
— Johannes Hahn (@JHahnEU) April 12, 2016
In light of these developments, I have serious doubts if credible elections are still possible 2/4
— Johannes Hahn (@JHahnEU) April 12, 2016
"Political leaders must know that the actions we have seen recently put the #EuroAtlantic future of their country seriously at risk" 3/4
— Johannes Hahn (@JHahnEU) April 12, 2016
"#Democracy means compromise + serving the citizens. I call upon all political parties to get back to the negot. table +work for reforms"4/4
— Johannes Hahn (@JHahnEU) April 12, 2016
Претседателот Иванов во обраќањето до нацијата рече дека одлуката ја донел сам и оти со неа би требало да се стави крај на политичката криза, која е наметната од надвор, а која не успеала да се реши со Договорот од Пржино. Тој исто така рече дека кризите во земјата треба да си го решаваме самите, а не со помош од надвор.