Датумот на повлекување од функцијата ќе биде кога ќе му дојде времето во согласност со законскиот рок. Вака премиерот Никола Груевски, на денешната прес-конференција, одговори на новинарско прашање за тоа кога ќе се повлече од премиерската функција во согласност со Договорот од Пржино. Тој избегна да одговори кој од редовите на партијата би можел да биде негов наследник.
Во однос на Законот за јавнообвинителска служба, тој рече дека вчера поминал на владина седница и дека веќе бил пуштен во Собрание.
За тоа дали медиумите биле предмет на разговор на лидерската средба, Груевски истакна дека само изборот на експерти членови на ДИК бил предмет на разговор. Медиумите биле само неформално спомнати, но не биле предмет на разговор.
