!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

Демолиран автомобилот на судијка од Основниот суд во Охрид


       
Охрид, 6 март, 2017 - 16:23 (META) 

Непознати сторители синоќа оштетиле возило во сопственост на судијката Билјана Белеска-Пројкоска, вработена во охридскиот Основен суд, која работи на предмети од областа на кривичното право.

Настанот, кој се случил на улицата АСНОМ во Охрид, во близина на домот на судијката, бил пријавен во СВР Охрид.

– Искршени се стаклата од возилото. Се работи на откривање на сторителите и на расчистување на настанот – информираат од СВР Охрид.

Сторителите ги искршиле двете ветробрански и двете стакла од совозачката страна. На возилото немало оставено никаква порака.