Бугарските власти синоќа уапсиле пет лица осомничени за тероризам на граничниот премин Ѓуешево на границата со Македонија, јавуваат бугарските медиуми.
Приведените се косовски државјани, возраст меѓу 20 и 25 години, јавува бугарската НОВА ТВ.
Бугарските погранични власти потврдија дека петте странци се уапсени при обид да влезат во Бугарија.
Државната агенција за национална безбедност (ДАНС), која раководи со истрагата, соопшти дека уапсените се обиделе да ги поткупат пограничните полицајци. Кај уапсените, при претрес на нивниот личен багаж и телефони се пронајдени фотографии од обезглавени луѓе и џихадистички пораки.