Тричасовната средбата на работните групи на политичките партии потписнички на Договорот од Пржино заврши без изјави.
Претставниците на политичките партии, белгискиот експерт Питер ван Хојте, ирскиот олеснувач Џејмс Хамултон и американскиот обвинител за организиран криминал и корупција Џон О`Саливен го напуштија Клубот на пратеници, без да откријат дали има некаков напредок во однос на горливото прашање за Специјален јавен обвинител, кој ќе треба да го истражува случајот Пуч и содржината на преслушуваните разговори.
Според Договорот од Пржино, Специјалниот јавен обвинител, треба да биде избран најдоцна до 15 септември.
Според сознанијата партиите се уште се далеку од договор. ВМРО-ДПМНЕ настојува обвинителот да се избере од постоечките обвинители и во рамките на сегашниот закон, додека СДСМ е за посебен закон.
