Патрола на струшката полиција вчера привела албански државјанин додека товарал дрва за огрев во околината на селото Дренок.
Станува збор за Ч.А.(30) од Либраж, Албанија, кој еднаш веќе бил фатен како илегално престојува во земјава и му била изречена забрана за влез до август 2017 година.
Како што информираат од струшката полиција, дрвокрадецот и сега влегол илегално во земјава, преку див премин во близина на Ќафасан.
Албанскиот државјанин, по извршениот разговор во полициска станица, е вратен во неговата матична земја и повторно му е одредена мерка – забрана за влез во Македонија, овојпат до октомври 2019 година.
