Под слоганот „Патувај, истражувај, уживај… со книга,“ издавачкиот центар „Три“ го почнува традиционалниот Летен фестивал на книгата, кој ќе трае од 20 јуни до 31 август.
Во рамките на фестивалот ќе бидат промовирани најновите изданија објавени на македонски јазик.
Фестивалот ќе продолжи со специјална промоција на трилер-романите, на најдоброто од европската литература, на филмувани наслови, на есенцијалните летни читанки, а за оние што ќе одлучат летото да го поминат читајќи, ќе бидат подготвени посебни тематски пакети, со дополнителен попуст и со подарок.
Фестивалската понуда ќе ја збогатат уште шест други македонски издавачи, чии изданија читателите ќе можат, исто така, да ги набават по популарни фестивалски цени.
