Претседателот на СДСМ, Зоран Заев, денеска се сретна со амбасадорот на Италија во Македонија, Масимо Белели.
Можноста за постигнување договор на 29 јуни за начинот на разврска на политичката криза во Македонија била е една од главните теми на состанокот.
Заев ја пренел неговата посветеност и посветеноста на СДСМ на разговори на принципиелно ниво, што ќе донесат до решенија кои мора да бидат доволна гаранција за спроведување на слободната волја на граѓаните.
– Подготвени сме да најдеме решение. За постигнување на таа цел, важно е да се обезбедат квалитетни механизми за системска реорганизација, што ќе спречат понатамошни злоупотреби и организација на влада во која нема да бидат вклучени креаторите на кризата, премиерот Груевски и неговите соработници – рече Заев.
Тој ја појасни потребата за повлекување на Груевски шест месеци пред изборите, со потребата на граѓаните од доверба во подготовките на изборниот процес, без уцени, закани, поткуп на гласачи, користење на државните и на кадровски ресуси од позиција на политичка моќ, во цели на тесната група на власт.
Италијанскиот амбасадорот Белели го пренесе очекувањето за брзо и целосно решение на политичката криза.
