Слободоумните граѓани да соберат храброст и да не се плашат бидејќи оваа власт мора да замине, порача синоќа од Велес, лидерот на СДСМ, Зоран Заев.
– Доказите за грдото лице на Груевски и на оваа власт се во наши раце. Нашите бомби се со докази и како што гемиџиите некогаш со бомби го тргнаа теророт, така и ние со нашите бомби ќе го тргнеме. Ова ропство ќе замине – рече Заев.
Заев истакна дека медиумскиот протстор е под целосна контрола, а власта ги купува медиумите кои треба да бидат коректор на власта.
– Понижувачка е и состојбата во образованието, екстерно ќе има, но за Груевски и за Владата. Не ни чинат работите, затоа не смееме при очи да бидеме слепи, а при уши – глуви. Не треба никој да се избори за нас, сами треба да го направиме тоа – рече Заев.
