fbpx

Заев: Договорот со Бугарија е директна одговорност на Собранието

-

Премиерот Зоран Заев од Штип им порача на граѓаните дека договорот за добрососедство со Бугарија отвора сериозна перспектива, а тој, како упатен политичар, „нема да дозоволи влакно да ѝ недостига на Македонија“.

Заев одговори на прозивките за тајноста на расправата за овој договор и објасни дека договорот ќе се смета за склучен откако ќе биде ратификуван во Собранието.

– Нешто што не е потпишано, треба внатрешно, затворено да се разговара. Преминуваме на следна фаза на дискусија во Владата. По сите сугестии што ќе ги добиеме од експертската јавност, од Собранието и од Владата, се надевам дека ќе дојде до склучување на договорот. Тоа зависи од двете страни. Ние нашите позиции ги градиме и потписот на Заев е дел од процедурата што тече – изјави премиерот.

Тој потсети дека конечната одлука, сепак, ќе биде на Собранието на Република Македонија.

– Парламентот на крајот гласа и ако е нешто на штета на Македонија, нашиот парламент има директна одговорност кон граѓаните. Затоа да не се плашиме. Ако е нешто добро, парламентот ќе гласа. Јас, како упатен политичар, кој и понатаму бара поддршка од граѓаните, нема да дозволам влакно да ѝ недостига на Македонија во нејзините перспективи – рече Заев, според кој овој договор затвора значајно поглавје со Бугарија.

Во придружба на министерката за труд и социјална политика, Мила Царовска, премиерот Заев се сретна со конфекциските работници, синдикатите и со сопствениците на конфекциите. Од Штип ја најави новата владина мерка за државна субвенција за годишен одмор за 35.000 работници со ниски примиња.

Државата ќе финансира ноќевање и појадок за најниско платените 35.000 граѓани.

– На овој начин ќе се стимулира и продолжување на туристичката сезона. Наместо како досега да плаќаме субвенции за странци, ќе плаќаме одмор на наши граѓани. Ова е мерка што би можела да почне да се применува од крајот на август или почетокот на септември – рече премиерот Заев.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Сајбер шејк“ дебата: Со растот на моќта на компјутерите, дипфејк ќе стане секојдневие

Дипфејк ќе стане секојдневние. Со раст на моќта на компјутерите, алгоритмите се усовршуваат. Потребни се кампањи со кои ќе се едуцира населението да внимава кога консумира вести, а во...