fbpx

За едно деноноќие 101 нов случај на Ковид-19, можно затворање на одредени општини

-

Во последните 24 часа се направени 974 тестирања, а регистрирани се 101 нови случаи на Ковид-19, информираат во Министерството за здравство. Најголем број од новозаразените се во Скопје – 59 лица.

На Клиниката за инфективни болести и фебрилни состојби почина 84-годишен пациент од Прилеп, хоспитализиран на 17 мај. Во ГОБ „8 септември“ почина пациент од Тетово (75г) примен на 24 мај, пациент од Куманово (71г) примен на 26 мај и пациент од Скопје (58г) примен на 30 мај. Денеска Институтот за јавно здравје регистрира 10 оздравени пациенти.

„Досега во земјата се направени вкупно 32.161 тестирања на Ковид-19. Од вкупниот број направени тестови во изминатото деноноќие, 132 теста се во рамките на скринингот во градинки преку центрите за јавно здравје во Штип, Прилеп, Битола и Скопје. Потврдени се два позитивни случаи во градинки во Штип“, наведено е во соопштението.

Вкупната бројка на ковид дијагностицирани во нашата земја од почетокот на епидемијата изнесува 2492, бројката на оздравени пациенти е 1605, на починати е 145, а во моментов бројот на активни случаи во земјата изнесува 742.

Денеска се одржа и состанок меѓу министерот за здравство Венко Филипче и членовите на Комисијата за заразни болести, заедно со претставници на локални центри за јавно здравје и претставници на Министерството за внатрешни работи. На средбата треба да се дискутира за спроведување мерки на терен, а не е исклучена можноста да се затворат одредени општини во кои има голем број заразени лица.

„Целта на состанокот е заедничка координација за делување во општините кои се детектирани како жаришта на коронавирусот. На состанокот ќе се дискутира за начинот и ефективноста на спроведување на актуелните мерки на терен, како и организација и спроведување на можни дополнителни мерки. Анализите и заклучоците од состанокот ќе се достават како предлози до Владата и кризниот штаб за утврдување на следните чекори на делување“, информираат во министерството.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Сајбер шејк“ дебата: Со растот на моќта на компјутерите, дипфејк ќе стане секојдневие

Дипфејк ќе стане секојдневние. Со раст на моќта на компјутерите, алгоритмите се усовршуваат. Потребни се кампањи со кои ќе се едуцира населението да внимава кога консумира вести, а во...