Единицата за безбедност на патниот сообраќај до Основното јавно обвинителство Скопје, поднесе кривична пријава против Ј.Б.(38) од Скопје поради постоење основи на сомнение за сторено кривично дело „загрозување на безбедноста во сообраќајот“ по член 297 од Кривичниот законик.
Според увидот на полицијата Ј.Б. (38) со службеното возило „шкода“ не застанал на црвено светло на семафорот и кога навлегол во крстосницата на бул.„Св.Климент Охридски“ со бул.„Илинден“, удрил во возилото „киа“, кое пак од ударот го променило правецот и удрило во возило „фиат“.
Во несреќата со повреди се здобиле Ј.Б. и сопатникот од патничкото возило „шкода“, Б.Љ.(35) од Скопје, кои со возило на Итна медицинска помош се пренесни во Комплексот клиники „Мајка Тереза“.
По несреќата министерот за финансии Фатмир Бесими и министерот за економија Крешник Бектеши на фејсбук им посакаа брзо оздравување на повредените.
