Руската разузнавачка служба (ФСБ) денеска соопшти дека уапсиле пет лица, за кои се тврди дека се поврзани со Исламска држава, под сомневање дека планирале терористички напади во Москва и на Кавказ.
ФСБ наведува дека агентите на службата во становите на осомничените пронашле пет парчиња огнено оружје, две импровизирани експлозивни направи, од кои секоја содржела по околу 10 килограми ТНТ и разни видови муниција.
Во соопштението не се прецизира дали осомничените се уапсени во Москва или во севернокавкаскиот регион Ингушетија, каде, како што ФСБ смета, планирале напади.