СДСМ продолжува со својата деструктивна политика базирана на манипулации, реагираат од ВМРО-ДПМНЕ на прес-конференцијата на пратеникот од СДСМ, Хари Локвенец.
Од владејачката партија обвинуваат дека СДСМ никогаш немал аргументи, ниту капацитет на граѓаните да им понуди конкретни проекти со кои би ја обезбедил нивната поддршка.
„Затоа Хари Локвенец и овојпат доби задача со лаги да ги покрива фактите и безидејноста во која тоне партијата на аболираниот криминалец Зоран Заев. Кога СДСМ полагаше завршни сметки, книжеше проекти како ТАТ, затворени работни места и пропаднати инвестиции од типот на пругата кон Бугарија. Стотици илјади уништени семејства и безброј затворени фирми е единствениот резултат во завршната сметка на СДСМ“, пишува во соопштението на ВМРО-ДПМНЕ.
