Најостро го осудуваме крвавиот инцидент и физичкиот напад врз кандидатот за градоначалник на Шуто Оризари, Еливс Бајрам, кој преставува уште едно грубо и брутално нарушување на изборниот процес, велат од ВМРО-ДПМНЕ.
„Имаме серија на груби прекршувања на изборниот закон и инциденти на кои полицијата и институциите на владата предводена од СДС молчат. Институциите покажуваат недостиг од капацитет и способност да ги расветлат ваквите настани, додека органите под контрола на СДС се активно вклучени во нарушување на изборната атмосфера. Сите овие инциденти се израз на нервозата во редовите на СДС и на свесноста дека тие ќе доживеат пораз. Кога не би биле нервозни и соочени со уште еден изборен пораз, не би се случувале груби нарушувања на изборниот процес“, се вели во партиското соопштение.
Од ВМРО-ДПМНЕ велат дека изборниот процес има сериозни дамки кои се доказ за нервозата од поразот што СДСМ ќе го доживее на 15 октомври.
