Без образложение зошто, министерот за финансии Зоран Ставрески на денешната расправа за буџетот ги одби сите амандмани предложени од опозициската ДПА.
– Министерот не ги кажа изворите за овие средства и затоа ќе знаете дека во април 2016 година ќе има предвремени избори и мислам дека одбивањето на амандманите и ребалансот во исклучително тешко време веднаш те тера да мислиш дека партиите на власт веќе почнаа да се подготвуваат за предизборни кампањи – вели Газменд Алиу од ДПА.
Пратениците од ДПА ја обвинија владејачката коалиција дека воопшто не се грижи за проблемите со кои се соочуваат граѓаните, особено не им е гајле за лошите услови во кои живеат поголемиот број граѓани Албанци.
– Пари за водовод за училишта и за патишта нема, но за спомениците низ Скопје се трошат милијарди – реагираа од ДПА.