Главниот координативен кризен штаб прифати неколку одлуки и препораки на Комисијата за заразни болести кои ги проследи до Владата.
Најголемата работа за која ќе треба да се произнесе Владата е заклучокот за укинување на обврската за носење на заштитни маски во затворен простор, со исклучок на здравствените установи, јавниот превоз, аптеките и домовите за возрасни лица.
Помеѓу усвоените заклучоци за кои треба да се решава на следната владина седница се и укинувањето на обврската за носење на маски за време на физичката настава во средните училишта, како и укинувањето на забраната за екскурзии и настава во природа, извести владината служба за информирање.
