Вчера Министерството за внатрешни работи (МВР) издало потврди за искажана намера за барање азил на вкупно 2.195 мигранти, од кои 984 се авганистански државјани, 629 се Сиријци и 582 лица се со потекло од Ирак.
Според новите мерки, кои беа воведени пред околу две недели, влез и транизит низ земјава им се дозволува само на мигрантите од кризните жаришта, односно од Сирија, Ирак и од Авганистан.
Според МВР, од 19 јуни, кога почна издавањето на потврдите, по измените на Законот за азил и привремена заштита, до денеска, низ земјава поминале вкупно 294.928 мигранти, од кои речиси две третитни се сириски државјани или вкупно 174.814 лица.
Во текот на вчерашниот ден, според МВР, до Одделението за азил не се поднесени нови барања. Вкупниот број на мигранти кои од 19 јуни до вчера побарале да останат во земјава изнесува 80 лица.
