Турција се договорила со САД во мај да го постави американскиот антиракетен систем на својата граница со Сирија за да се спротивстави на сè почестите напади на милитантната група Исламска држава, соопшти шефот на турската дипломатија, Мевлут Чавушоглу.
– Постигнавме спогодба од труската страна на границата да се распоредат американските ракети ХИМАРС, односно високомобилен ракетен артилериски систем – рече Чавушоглу за весникот „Хабертирк“.
Околу 40 ракети се истрелани годинава на турскиот пограничен град Килис, од зона во Сирија, која е под контрола на милитантите. За време на нападите загинаа 17 цивили.
Антиракетниот систем ХИМАРС има дострел до 90 километри.
