Американскиот претседател, Доналд Трамп, денеска во Белата куќа го прими рускиот министер за надворешни работи, Сергеј Лавров. Тоа е негова прва официјална средба со претставник на руската влада откако е избран за шеф на државата.
Како што беше најавено претходно,Трамп и Лавров ќе разговараат за билатералните односи, Сирија и за други меѓународни прашања.
Пред средбата со Трамп во Белата куќа, Лавров разговараше со државниот секретар на САД, Рекс Тилерсон, кој изјави дека нивниот состанок е можност за двајцата дипломати да продолжат со дијалогот што го почнаа минатиот месец во Москва.
