По големите поплави што неодамна го зафатија кочански Чифлик, испукани се ѕидовите на куќите, вратите не можат да се затвораат од влагата, а жителите на селото се жалат дека нивото на подот опаднало за пет-шест сантиметри.
– По поплавите забележавме дека еден дел од куќата почна да тоне. Што ќе правиме, како ќе се снаоѓаме, не знаеме – вели семејството Ангелови од Чифлик.
Жителите на селото велат дека попушта земјата од водите, поради што се поплавени ниските катови и подрумите.
-Еден дел од водата се повлече, додека во подрумот вода имаше до пред три дена – вели жител на селото.
Во селото стравуваат од најавените нови врнежи од дожд. По дворовите сè уште се сушат предмети и сточна храна од последните поплави. Се надеваат дека свежо ископаните канали ќе ги поштедат од нови поплави.
В.К.