Четириесет тела на младенчиња тигри биле пронајдени во фрижидер во будистички храм во Тајланд, кој е под истрага за трговија и злоупотреба на животни, јавува „Би-би-си“.

Полицијата и службите за заштита на животни вчера започнале операција за отстранување на сите живи тигри од локацијата Канчанабури, која е позната како Храм на Тигрите.

Во фрижидерот, според Том Тејлор од фондацијата „Пријатели на животните“, биле пронајдени и други делови од тела на животни.

Храмот на тигрите инаку е популарна туристичка атракција во Тајланд.