Русија би можела да го скрати списокот на санкционирани производи доколку Европската Унија ги ублажи антируските санкции, изјави министерот за економски развој на Русија, Алексеј Уљукајев.
-Мислам дека списокот на санкционирани производи од ЕУ би можел да биде скратен додколку Европа ги ублажи санкциите спрема Русија. Потребна е акција за да следи реакција. Доколку, на пример, нашите европски колеги донесат таква одлука, ние ќе излеземе во пресрет – истакна тој.
Тој додаде дека доколку режимот на санкции ќе биде изменет, истото ќе биде направено и со режимот на контрасанкции.
Рускиот премиер Дмитриј Медведев и наложи на Владата да подготви предлози како би се вовеле соодветни санкции за Западот кои би траеле до крајот на 2017 година.
